აგებული და დაფუძნებული იქნება სამგანზომილებიანი გარსული ტიპის დრეკადი სხეულების შესაბამისი ორგანზომილებიანი მათემატიკური თეორია წრფივი და არაწრფივი გარსებისათვის, რომელიც თავისუფალი იქნება ფიზიკური და გეომეტრიული სახის ჰიპოთეზებისაგან, როგორც ეს განახორციელა ი. ვეკუამ. პროექტის მიზანია ი. ვეკუას მეთოდის განზოგადება წრფივი და არაწრფივი გარსებისათვის, აგრეთვე ნარევთა თეორიისათვის და შესაბამისი მათემატიკური ამოცანების გამოკვლევა. აგრეთვე, პრაქტიკულად მნიშვნელოვანი ამოცანების როგორც ანალიზური, ასევე მიახლოებითი ამოხსნა და მიღებული შედეგების შედარება კლასიკურ შედეგებთან. განხილული იქნება ე.წ. ლოკალიზაცია-დელოკალიზაციის ამოცანები, რომელთა გადაწყვეტის შემთხვევაში გაიზრდება კონსტრუქციის საიმედობა. სხვაგვარად რომ ვთქვათ, სხეულის ფენების სისქისა და რაოდენობის, ანიზოტროპიისა და არაერთგვაროვნების შერჩევის ხარჯზე მოხდება ძაბვების სასურველი გადანაწილება.

პროექტში მონაწილე პერსონალი:

• Tengiz Meunargia (პროექტის ხელმძღვანელი)

• Nuri Khomasuridze (ძირითადი პერსონალი)

• Apolon Gogia (ძირითადი პერსონალი)

• Zurab Siradze (ძირითადი პერსონალი)

• Natela Zirakashvili (ძირითადი პერსონალი)

• Roman Janjgava (ძირითადი პერსონალი)

• Manana Mosia (ძირითადი პერსონალი)

• Miranda Narmania (ძირითადი პერსონალი)