დაწყების თარიღი: 2019-01-01 დასრულების თარიღი: 2021-01-01
პროექტში შემუშავებული ერთიანი მიდგომის საფუძველზე განვითარებულია დედამიწის სუსტად იონიზირებული იონოსფეროს სამივე, D, E და F-შრეებისათვის ულტრადაბალი სიხშირის (ULF) როსბის ტიპის პლანეტარული ელექტრომაგნიტური (EM) ტალღების გავრცელების წრფივი და არაწრფივი თეორია მათი სივრცულად არაერთგვაროვან გასაშუალებულ წანაცვლებით ზონალურ ნაკადთან ურთიერთქმედების გათვალიწინებით; გამოკვლეულია აღნიშნული ტალღების გენერაციის ახალი ფიზიკური მექანიზმები იონოსფეროს სხვადასხვა შრეებში; გარკვეულია წანაცვლებითი ნაკადის მქონე იონოსფეროში სწრაფი და ნელი ULF პლანეტარული EM ტალღების წრფივი შეწყვილების შესაძლებლობა; შესწავლილია ULF ტალღების არაწრფივ გრიგალურ სტრუქტურებად თვითორგანიზაციის პრობლემა იონოსფეროს სხვადასხვა შრეებში და აგებულია სივრცულად ლოკალიზებული განმხოლოებული გრიგალური სტრუქტურებისათვის შესატყვისი ანალიზური სტაციონარული ამონახსნები გასაშუალებულ წანაცვლებით ზონალურ ნაკადთან ურთიერთქმედების გათვალიწინებით; გამოყვანილი და გაანალიზებულია შესაბამისი 2D- და 3D-განზომილების მაგნიტოჰიდროდინამიკური არაწრფივი განტოლებების თვითშეთანხმებული მოდელური სისტემა, რომელიც აღწერს ასეთი ტიპის ტალღებისათვის მსხვილმასშტაბიანი განმხოლოებული გრიგალური სტრუქტურების დინამიკას; შესწავლილია გასაშუალებული წანაცვლებითი ზონალური ნაკადის მოქმედებით ზონალური ნაკადების პარამეტრული გენერაციის მექანიზმები; ჩატარებულია განსახილველი ULF შეშფოთებების ძირითადი მახასიათებლების იდენტიფიკაცია და შედეგები შედარებულია არსებულ თანამგზავრულ და დედამიწისეულ ექსპერიმენტულ მონაცემებს იონოსფეროს სხვადასხვა შრეებისათვის. პროექტის განხორციელებისას გამოიკვეთა აკუსტიკურ-გრავიტაციული ტალღებისათვის ანალოგიური კვლევის განხორციელების აუცილებლობა საერთაშორისო თანამშრომლობის გაფართოების მიზნით.